Komeleya Paştîdayîşî ya Keyeyanê Tepişteyan  (TUAY-DER) Derheqê binpayrkerdişê heqanê zîndanan de  Farqînê Amedî eşkerayîye daye. Eşkerayîya çapemenîye ya ke banê HDPyî de ameye kerdene, temsîlkarê partîyanê sîyasîyan û merdimê tepişteyan tewrê ci bîyî.

Îdarekaranê  TUAY-DERî ra Mehmet Uzelî vat: ''Îqtîdaro ke wayîrê mîrasê Esat Oktayî vejîyeno, keno ke serê zîdananî ra komelî dîzayn bikero. Hêrişê vera tepişteyanê sîyasîyan dewam kenê. Zîndanê Patnosî de vera tepişteyanê cinîyan îşkence yeno kerdene. Nê îşkenceyê zîndanan pabesteyê tecrîdê Îmrali yê. Seba ke verê haştîya komelkîye bêro akerdene, warê azadîye û demokrasîyî bêrê hîrakerdene, ganî helêke cuwa ver tecrîdê serê Birêz Ocalanî bêro wedaritene.''

 Reyna Îzmîr de hetê Ege TUHAYDERî ra û Mersin de zî hetê Çukurova TUAY-DERî ra eşkerayîye ameyî dayene û semedê wedaritişê tecrîdî û vergirewişê îkenceyê zîndanan ame vengdayene.