Paytext Berlin û bajaranê Dusseldorf, Duisburg, Koln û Franfurktî yê Amanya de kurdîstanijan û dostanê pê çalakîyan paştî dayê tepişteyanê nêweşan ê ke Kurdîstan û Tirkîya de zîndanan de yê.

Berlin de hetê Meclîsê Cinîyan ê Dest-Danî ra çalakîye ameye orgaznîkedene.  Çalakîye de bale ameye antene rewşa tepişteyanê sîyasîyan ê kurdan ser û ame vendayene ke wa nê zextî bêrê qedînayene.

Duisburg de zî serkêşîya Meclîsê Cinîyan ê Asya Yuksel de semedê Garîbe Gezer û Asysele Tugluk çalakîye ameye kerdene. Çalakwanan bale ante zextê zîndanan ser û waşt wa tepişteyê nêweşî cade bêrê veradayene.

Dusseldorf de zî kurdîstanijê ke ameyî têhet sere de tepitşeyê nêweşî veng da ke wa  heme tepişteyê sîyasîyî berê veradayene.

Frankfurt de zî bi çalakîyêke şexsê Garîbe Gezer de zextê serê tepiteyanê sîyasîyan ameyî protestokerdene û ame vendayene ke wa tepişteyê sîyasîyî berê veradayene.

Koln de zî hetê Meclîsê Cinîyan ê Vîyane ra çalakîyekê ameye organîzekerene. Çalakîye de ame vengdayene ke sere de sîyasetmedara kurde Aysele Tugluk wa heme tepişteyê nêweşî berê veradayene.