Semedê Wekîla verêne ya HDPyî cezaya 30 serran yena waştene
Semedê Wekîla verêne ya HDPyî Çaglare Demîrel cezaya zîndanî ya 30 serrran yena waştene.
Wekîla verêne ya HDPyî Çaglare Demîrel dewaya KCKyî ra ameyêne muhakemekerdene. Roniştişo verên a dosya vizêr Mehkemeya Cezaya Girane ya Amed de ame kerdene.
Demîrele û avûkatê ci Serdar Çelebî û Şeyhmûs Bayhan tewrê mehkeme bîyî. Demîrele pawitişê xo de îdîayî red kerdî.
Dozgerî waşt ke Demîrele rê dewaya KCKyî ra reya diyîne pê 'endamîya rêxistine' cezaya zîndanî ya 30 serran bêra dayene.
Mehkeme zî bira dewamê tepişîyayîşê Demîrele da. Roniştiş taloqê 21ê êlule ame kerdene.
