Rêxistina HDPyî ya qezaya Beylîkduzuyî ya Îstanbulî bi çalakîyêka eşkerayîye tepişîyayîşê Wekîla HDPyî Semra Guzel şermezar kerd.

Hemserekê qeza, endamê Sendîkaya Perwerdekaranê Şorişgêran (DES) û xeylêk kesî tewrê eşkerayîye bîyî. Eşkerayîye de sloganê 'Semra Guzel îradeyê ma ya' ame vatene û pankarta 'Dest medê îradeyê şarî! Semra Guzel rûmetê ma ya' ameye akerdene.

Eşkerayîye hetê Hemsereka HDPyî ya Beylîkduzuyî Adalete Unlu ra ame wendene. Adalete Unlu pare kerd ke Semra Guzel pê dek û dolabanê îqtîdarî, bi hawayêkê bêhuqûqî tepişîyaya û vat: ''Qeydê ci yê zîndanî seba ke wekîl a nêameyo kerdene, bi rayîrê doktorîya ke pê KHKyan amebî îxrackerdene ame kerdene. ''

Eşkerayîye pê slogananê sey 'HDP şar o, şar tîya de yo', 'Semra Guzel îradeyê ma ya' qedîyaye.