Sendîkaya tewr pîle ya Brîtanya azadîya Ocalanî waşte
Sendîkaya tewr pîle ya Brîtanya Unite The Uniona ke 1.3 mîlyon endamê ci estê konferansê xo yê 2021î de fotografê Rayberê Şarê Kurdî Abdullah Ocalanî akerdî û azadîya ey waşte.
Sendîkaya tewr pîle ya Brîtanya Unite The Uniona ke 1.3 mîlyon endamê ci estê konferansê xo yê 2021î de fotografê Rayberê Şarê Kurdî Abdullah Ocalanî akerdî û azadîya ey waşte. 700 delegeyî tewrê konferansî bîyî.
Konferans pê meseleyanê mîyanneteweyîyan û paştdayîşê bi kurdan dest pêkerd.
Sekretera Pêroyî ya Sendîka Sharone Graham hesabê xo yê twitterî de waştişê 'Ocalanî rê Azadîye' pare kerd.
Unite policy conference delegates say #thetimeisnow for the Turkish state is give #freedomforOcalan and return to peace talks with representatives of the Kurdish people. Learn more: https://t.co/Ics2Sb0lp3 #UPC2021 pic.twitter.com/qWKF2CGE5q
— Unite the union: join a union (@unitetheunion) October 21, 2021
Grahame vilakerdişê xo de vat: ''Delegeyê konferansî polîtîkayanê Unite ser o vanê 'Wextê ci yo.' Ganî dewleta tirke Ocalanî azad bikera û temsîlkaranê şarê kurdî reyde newe ra dest pê dîyalogan bikera.''
Çarçewa konferansî de vizêr panelêk dî ame kerdene û panel de ame waştene ke Ocalan bêro azadkerdene, PKK lîsteya terorî ra bêro vetene û meseleya kurdan bi rayîranê demokratîkan bêra çareserkerdene.
Unite The Union verî zî semedê azadîya Rayberê Şarê Kurdî kampanyayêke dabi destpêkerdene. Kampanyaya 'Ocalanî rê Azadîye' ya sendîla 2016 de Kamaraya Avaman de dîyabî destpêkerdene.
Sendîkayê UNITE, GMB, FBU, ASLEF, TSSA, RMT, USDAW, PROSPECT, GFTU, PCS, EIS, TUC, THOMPSONS SOLICITORS, CWU û NEUyî kampanya anê ca.
Êlula 2018î de kongreya 150. ya Yewîya Sendîkayanê Brîtanya (TUC) de bi hezaran delegeyan paştî dabî kampanya.
