Derheqê Wekîla HDPyî ya Êlihî Feleknas Uca de bi bahaneya ke beşdara merasimê yadkerdişî ya 3 cinîyanê kurdanê ke Paris de hetê MÎTî ra ameyî qetilkerdene, fezleke ame amadekerdene. Serdozgerîya fezleke de seba cinîyanê kurdan vatbi 'ameyî bêtesîrkerdene'. Uca de zî derheqê nê vatişî de Wezaretê Edaletî rê vernîyazêkê persî da.

Uca vernîyazê xo de wina vat: ''Meqamanê edlîyan ê Fransa îdîayê ke vanê mabênê kiştox Omer Guney û MÎTî de têkilîye estbî, meqamanê Tirkîya ra persa la cewabêk nêgirewt. Uca ard ziwan ke no qirkerdiş hetê Serdozgerîye ra sey meşrû ame mojnayene û têkilîya Omer Guney û MÎTî ameye îtîrafkerdene.

Uca waşt ke cewabê nê persan wa bêrê dayene:

-Serdozgerîya Anqara gelo qebul kerd ke no qirkerdiş hetê MÎTî ra ameyo kerdene?

-Têkilîya Omer Guney û MÎTî kamyew aste de ya?

-Rixmo ke nê qirkerdişî ra 7 serrî vîyartî çira nêame roşnîkerdene û mesuldarî nêameyî eşkerakerdene? Çira Fransa rê zanayîş nêdîya?

-Derheqê nê xebatkaranê MÎTî de ke yeno vatene  fermanê qirkerdişî dayê tehqîqat dîyayo destpêkerdene? Eke dîya destpêkerdene tehqîqar kamyew aste de yo?