Sereka Şaredarîya Parisî Anne Hidalgo, Sereka Şaredarîya Parisî ya Herêma 10. Alexandra Cordebard û encumenê nê şaredarîyan Merkezê Kulturê Kurdan ê Amet Kayayî yo ke raştê hêrişî ame, zîyaret kerd.

Sereka Şaredarîya Parisî Anne Hidalgo ya ke tîya qisey kerd, serweşîye waşte û no mesaj da: ''Ma dejê şima pare kenê. Ma cayê şima de yê, şima ra heskenê, wayîr vejîyenê. Ez sey Sereka Şaredarîya Parisî zana ke cesaret û têkoşînê kurdan semedê ma zaf muhîm o. Cinî û camêrdanê kurdan vera DAÎŞî şer kerd. Ma zanê ke DAÎŞî ma Paris de tehdît kerd. Kurdî haştîye, yewîye û azadîye wazenê û pawenê. Ercê ke ê pawenê, ma zî nînan pawenê.  Coka no qirkerdiş nîno qebulkerdene. Ma sey delegasyonê Parisî semedê caardişê edaletî çîyo ke destê ma ra yeno, ma do bikerê. Ma wazenê semedê embazanê şima, înanê ke dinyaya xo bedilnaye, wina yew çî bikerê ke wa ê tim vîrî de bimanê. Ma wazenê kurdê ke semedê ma şer kenê, ma fîkîryenê, wa keda înan bêro naskerdene. Têna sey Şaredarîya Parisî nê ez nînan sey dostêka şima vana. Cunkê zaf çîyan de fîkrê ma yew o.''