Seba ke îqtîdar vera nasname û îtîqatanê cîyayan polîtîkaya herêşkare rayra beno û her tim ziwanê dişmenîye şuxulneno hêrişê ke vera Elewîyan zî her rojê zêdîyenê. Xeberaka hêrişî zî Bursa ra ameye.

Serekê Komeleya Pîr Sûltan Abdalî  yê Şûbeyê Bûrsa Alî Ozturk bi mesajanê mergî ame tehdîtkerdene. Dêsan û beranê  banê Ozturkî de mesajê sey ‘Wextê mergê to ame, wextê ecelê to ame’  ameyî nuştene. Merkezê Pêroyî yê Komele  eşkerayîyêk daye hêrsê xo ard ziwan û nê hêrişî sey leteyêkê polîtîkayanê asîmîlasyon û çînkerdişî yê hukmatî name kerdî û  zanayene ke do  ê derheqê hêrişkaran  de pêhesnayîşê sucî bikerê.