Baroyoyanê Amed, Çewlîg, Dêrsim, Wan, Riha û Semsûrî serekê xo yê neweyî weçînayî. Amed de Nîhat Eren reya diyînî sey serekê baroyî ame weçînayene.

Baroyê Dêrsimî Roniştişê Pêroyî yo 12. bi şîarê 'Pawitiş nêno bêvengkerdene, her kesî rê edalet' kerd. Weçînayîşê roniştişî de Fatma Kalsen bîye sereka newîye yê baroyî.Serekê verênî yê Baroyê Dêrsimî weçînayîşî ra dima qisey kerd û Fatma Kalsen rê serkewtiş waşt. Fatma Kalsen zî dima qisey kerd û îfade kerd ke ê do pîya vera hêrişanê serê huqûqî têkoşîn bikerê.

Baroyê Çewlîgî zî Roniştişo Pêroyî yo 15. kerd û weçînayîşê roniştişî de Omer Faruk Hulaku reyna sey serekê Baroyî ame weçînayene.Omer Faruk Hulakuyî weçînayîşî ra dima qisey kerd û pare kerd ke ê do tim heqanê merdiman û serdestîya huqûqî bipawê.

Wan de  Sinan Ozaraz û Riha de  Abdullah Oncel sey serekê neweyî yê baroyî ameyî weçînayene û Semsûr de zî Bilal Dogan newe ra ame weçînayene.