Serrgêra Darbeya 4ê Teşrîna Peyêne: Ma pêro HDPyij ê

Serrgêra Darbeya 4ê Teşrîna Peyêne de Swîsre û Almanya de semedê HDPyî çalakîyê paştîdayîşî ameyî kerdene.

ANF
MERKEZÊ XEBERAN
05/11/2021, 07:16

Darbeya 4ê Teşrîna Perêne ya ke 2016 de vera HDPyî ame kerdene paytextê Almanya Berlin û bajaranê Bern, Basel, Zurih û Cenevrê yê Swîsre de pê çalakîyan ame protestokerdene.

Şaro ke vera zextanê dewleta tirke vejîya kuçeyan mesajê ''Ma pêro HDPyij ê, ma her ca de yê'' dayî. Qiseykerdişan de ame vatene ke îqtîdarê AKP-MHPyî ke vera HDPyî operasyonanê qikerdişî keno ke vengê şaran bibirno pê nê hêrişan pênîya xo arde la têkoşînê HDPyî qerardar dewam keno.