Tepişteyanê PKK û PAJKî bi wesîleya 8ê Adare Roja Cinîyan ê Kedkaran a Dinya eşkerayîyêka nuştekîye pare kerd û nê vatî:

''Tarîxî ra nata heqê cinîyan tim yenê binpaykerdene. Cinîyê ke milê xo çewt nêkenê wayîrê kede û heqanê xo vejîyenê tim sey hêrişkare û dişmenê camêrdan yenê hesibnayene. Aqilê camêrd-dewlete komelî hinî kerdo ke cinîyan rê rolêk ameyo fasilnayene û eke teberê ci bikewê no sey xeletî yeno fam kerdene. Cinîyî têna sey cinîya camêrdî, dadî, embeze, waye û emirgirewtiş rê amade yena vînayene. Cinîyî seba ke têkoşînê xo bidê domnayene bi keda pîlê 8ê Adare Roja Cinîyan ê Kedkaran a Dinya îlan kerd. Ewro vera zextan têkoşîno xurt yeno dayene. Ganî bingeyê Îdeolojîya xelisnayîşê cinîye ya Rayberîya ma de ewnîyayîş û rengê xoverdayîşê cinîyan sere de zîndan her ca de bêro ramojnayene. Na çarçewe de ma 8ê Adare fîraz kenê.

Sere de Kurdîstan û Rojhilatê Mîyanênî de xeylêk cayanê dinya de şer esto. Rojawan de vera şorişê cinîyan û Şingal de vera destkewteyanê êzidîyan ê ke bi paradîgmaya konfederalîzmê demokratîkî ya Rayberîye ameyî dest fînayene, hêriş yeno kerdene. Mexmur de vera waranê azadîye hêrişî yenê kerdene. Nê qirkerdişî serkêşîya hêzanê hegemonan û hemkaranê ci yê herême PDKyî yenê kerdene. Hêrişê îqtîdarê faşîstî yê AKP-MHPyî yê vera cinîyan û şaran bêçareyîya înan ramojnena. Reyna tecrîdê vera Rayberîye, hemrayê ma nêweşê ke zîndan de mergî rê ameyî caverdayene, hemrayê ma yê ke rixmo cezaya înan qedîyaya înan rê teslîbîyayîş yeno ferzkerdene zî rîyê tengayî de mendişê hukmatî ra yo.

Ma sey tepişteyanê PAJK û PKKyî rixmê heme zextan û şertanê zehmetan do têkoşînê xo bidomnê. Na çarçewe de mîrasê azadîye yo ke hetê 129 cinîyan ê ke New York de ameyî qetilkerdene, Wayê Mîrabelî, Clara, Rosa, Zîlane, Bêrîtane, Leyla, Şîlane, Sara, Sema, Garîbe, Denîze û xeylêk hemrayanê ma yê bînan ra ame afernayene ganî bêro wayîrvejîyayene. Bi zanayîşê têkoşînê rêxistinkerdeyî serkewnê, vejîyê kuçeyan û vengê xo berz bikerê. Ma wina eşkenê ser bikewê. Serkewtiş ê hermrayanê ma û şaran o.''