Serrgêra ronayîşê PKKyî ameye fîrazkerdene

Bajarê Arscootî yê Belçika û  Bajarê Rennesî yê Fransa de kurdistanijan û dostanê înan serrgêra 42ine ya ronayîşê PKKyî fîraz kerde.

Bi wesîleya serrgêra 42ine ya ronayîşê PKKyî Ewropa de aktîvîteyê fîrazkerdişî dewam kenê.

Bajarê Arscootî yê Belçika de aktîvîteya ke ameye organîzekerdene bi seyan kesî tewrê ci bîyî. Şewe de badê rezgirewtişî Sîyasetmedaro Kurd Suleyman Gunyelî qisey kerd. Hunermandanê sey Zînar Sozdar, Narînxane, Şerif Omerlî û Alî Ciwanî zî bê deyîranê xo reng da şewe. Aktîvîte bi ramojnayîşê sînevîzyonî qedîyaye.

Bajarê Rennesî ya Fransa de zî bi şayîyêke roşanê ganîbîyayîşî ame fîrazkerdene. Heyata şayî de fotografê Rayberê Şarê Kurdî Abdullah Ocalanî û kadroyanê rayberan ê PKKyî û şehîdan ameyî daliqnayene. Şewe de derheqê muhîmîya têgêrayîşê kurdî de ame qiseykerdene û pê muzîk û sînevîzyonî dewam kerde.