Serrgêra ronayîşê PKKyî Linzî de ameye fîrazkerdene. Zaf şaristananê herêma Awusturyaya Corine ra zaf kesî tewrê fîrazkerdişî bîyî.

Sîyasetmedare Nursele Aydogan şewe de qisey kerd û îfade kerd ke kurdan Rojawanî de serkewtişêko pîl vist destî û vat: "Hêz û serkewtişê kurdan hetê dinya ra ameyî dîyene. Nika her kes kerdişanê Tirkîya vîneno. Tirkîya seba ke kurdan asteng bika destê ci ra çi bêro kena. Hêrişê Rojawanî kena ke destkewteyanê kurdan çin bika. La seke Che Gueverayî vato êyê ke xo ver danê û fek ci ra vera nêdanê do ser bikewê. Ma do xo ver bidê û qet ci ra fek vera nêdê."

Şewe de sînevîzyonî ra dima Hozan Farqîn Azad, Çetîn Oraner, Dilo Dogan û Koma Demî û Koma Domananê Amara vejîyayî sehne ser û hunerê xo pêşkêş kerdî.