Xeylêk şaristanan de serrgêra ronîyayîşê PKKyî ameye fîrazkerdene.

Şaristanê Dortmundî yê Almanya de qasê 600 kesî tewrê şayîye bîyî. Salona şayîye bi alayanê PKK, KCK û Rayberê Şarê Kurdî Ocalanî xemilîyaye. Şayîye de derheqê têkoşînê PKKyî de sînevîzyonêk ame mojnayene. Hunermendî Hozan Aydîn, Narînxan, Meral Alkan, Zahir Loran, Hakî Botan, Hozan Ekrem û Koroya Zarokan vejîyayî sehne ser.

Şaristanê Bonnî yê Almanya de bi seyan kesî tewrê şayîye bîyî. Hunermendî Dîno, Nûarîn û Şerîf Omerî şayîye de vejîyayî sehne ser û kayêkê tîyatroyî ame mojnayene. Ciwanan şayîye de bêmabên sloganî vatî.

Şaristanê Halle (West) ê Almanya de şayîye bi deqayêkê rêzgirewtişî dest pêkerd. Hunermendî Hozan Xemdar, Harîman Qasim, Zerîfe Zêrîn û Hozan Axîn şayîye de vejîyayî sehne ser. Şayîye de bi sloganan govende ameye girewtene.

Şaristanê Darmstadtî yê Almanya de şayîye de bi coşî ronîyayîşê PKKyî ame fîrazkerdene.  Şayîye de derheqê têkoşînê PKKyî de sînevîzyonêk ame mojnayene. Hunermendî Hozan Diyar, Hozan Binevş, Koma Azad û Koma Bêzar şayîye de vejîyayî sehne ser.

Şaristanê Montpellierî yê Fransa bi seyan kurdî tewrê şayîye bîyî.  Hunermendî Koma Çarsînor, Kawa, Ozan Comerd û Sehere şayîye de vejîyayî sehne ser û girseyî bi coşî govende girewte. Şayîye bi sloganê 'Bijî PKK' qedîyaye.