Birîndara Komkîştişê Pirsusî Dr. Çagla Sevene bi wesîlaya 1ê Teşrîna Peyêne yê Roja Kobane ya Cîhanî, ANF rê qisey kerd û nîşan kerd ke Kobanê zerrîya aye de wayîrê cayekê cîyayî ya.

Sevene ard vîrî ke Kobane vera tarîyîya DAÎŞî semboleka pîl a xoverdayîşî ya û nîşan kerd ke yew demo ke dinya bêveng û bêxem bî de şarê Kobane vera nê cerganê barbaran bi awayekê xurtî xo ver da û bî nîşanê hêvîye.

Sevena ke Fakulteyê Tipî yê Çapa yê Îstanbulî ra mezun bîye, demo ke birre daye ci ke şora Kobane asîstanîya nêweşîyanê domanan a Unîversîteya Marmara qezenç kerdîbî. Sevena ke seba pawitişê domnan xo kerdîbî amede, hetê ra no kar kerdêne hetê bînî ra zî nêeşkayêne ke na rewşe ver xo rabigêra ke domanê nêweşî, şerî ra serkewte cuye ra bêrê dûrîfîştene. Sevene ard ziwan ke nê hîsî ra serkewte aye verê xo dayo Kobane û vat “ma waştêne ke mîyanê şaran de bibîme pirdêk, ma waştêne ke domananê ucayî yê ke mîyanê şer û rijnayîşî de bîy rê bibîme hêvîye. Kêm bo zî ma waştêne ke birînanê şarê Kobanê têrabipîşîme.”

Sevene nîşan kerd ke a nêeşkaya ke qebul bikera ke nebaşîye ke bi destê merdiman ameyê afirnayene ra serkewte domanî bêrê kîştene û bibê seqet û bi nê ferasetî ê kewtê rayîr la bîyê hedefê DAÎŞî.

'Oyo Giring Çinkerdişê Zîhnîyetê DAÎŞî Yo‘

Demê komkîştişî de organanê aye yê zereyî xisareko pîl dî û linga aye ya raste bi giranî bîye birîndar. Rêçê fizîkî û psîkolojîkî hîna zî aye ser o yê. Herçiqas komkîştişî ser o çar serrî bivîyarê zî hîna zî travmaya komkîştişî aye ser o esta. Sevene vana “yew rewşa ke sebebê travmayan kesê serdest ê, kareko asan nîyo ke merdim derbazê prosesê dima travmayî bibo.” Sevene bale anite ser ke galê vera Rojawanî seba îşxalî yê û nîşan kerd ke desthilatdarî her ke tengizîyenê bi neteweperwerî û kanperestîye hêrs û nefretî fînenê mîyanê merdiman. Derheqê kîştişê bereyê DAÎŞî El Bexdadî de zî Sevene vat “Kîştişê Bexdadî bi sereyê xo tena nêno tewr yew mana. Çîyo girîng o yo ke ganî zîhnîyetê ey mîyan ra bêro wedaritene.”

'Kobanê Nêkewte Do Mekewa‘

Sevene nîşan kerd ke prosesê winasî de qase xoverdayîşê Kobanê, xoverdayîşê serran ê Hêzanê Surîyeya Demokratîke ya vera tarîyîya DAÎŞî zî gelek manadar û hêca ya. Sevene dîyar kerd, vera DAÎŞî yo ke her kes ci ra tersayêne, tena şoreşê Rojawanî dest bi xoverdayîşî kerd. Derheqê gefanê Erdoganî yê ke reyna Kobanê rê weno zî Sevene vat “Kobanê nekewte do mekewa.”