Paytextê Almanya Berlin de, vengdayîşê Meclîsê Cinîyan ê Dest-Danî, Nav-Berlin û Kongreya Awankerdişê Dêrsimî ser o serrgêra dardekerdişê înan de Seyîd Riza û embazê ci ameyî yadkerdene.

Girseyî hêverî verê Sersefîrîya Tirkîya de dewleta tirke protesto kerde. Temsîlkara Kongreya Awankerdişê Dêrsimî ya Berlinî Mehtape Erol merasîmê yadkerdişî de qisey kerd û pare kerd ke Terteleyê Dêrsimî hetê dewleta tirke ra bi fermanê Ataturkî amebi kerdene.

Sîyasetmedar Hakan Taşî zî îfade kerd ke dewleta tirke çekanê kîmyewîyan şuxilnena û Almanya pê bêvengîya xo bena hemkara nê sûcî. 

Bakî Selçukî nameyê Aveg-Konî ser o qisey kerd û ard ziwan ke hişmendîya ke  Seyîd Riza qetil kerdbi perey Taksîm de qirkerdişêko bîn kerdo.

Wekîlê Eyaletê Die Linke Ferhat Koçakî zî vat ke ganî hişmendîya Terteleyê Dêrsimî bêra muhakemekerdene û Terteleyê Dêrsimî sey jenosîdî bêro qebulkerdene.

Merasîm pê lorîkan qedîya.