Keyeyê Şenyaşarî verê Edlîyeya Riha de nobeta xo yê edaletî rê dewam keno. Keyeyî vizêr zî 'Sifreyê Edaletî' de verê edlîye de fitarê xo kerd. Komeleya Cinîyan a Rosa û Rêxistina HDPyî ya Dîlokî bîyî meymanê Sifreyê Edaletî yê Şenyaşaran.

Sereka Komeleya Rosa Adalete Kaya fitarî ra verî qisey kerd û îfade kerd ke Emîne Şenyaşar hînî bîya sembola xoverdayîşî. Kaya da zanayene ke ê hê hetê xoverdayîşê Şenyaşaran de yê û vat: ''No têkoşîn do pêro cinîyan rê bibo mîsal. Ma vera nê zulmî xoverdayîşî pîl bikerê.''

Hemserekê HDPyî yê Dîlokî Avnî Bînîcîyî zî ard ziwan ke keyeyê Şenyaşarî wazeno ke wa Fadil Şenyaşar bêroo veradayene û mesuldarê qirkerdişê nêweşxaneyî bêrê cezakerdene. Bînîcîyî vat: ''Ma venga rayaumûmîya demokratîke dana ke seba ke waştişê Şenyaşaran qebul bibê tewrê têkoşînî biba.''