Sîlîvrî de tepişteyan vera zextan dest pê grevê vêşanîye kerd
Zîndanê Sîlîvrî de gardîyanan tepişteyan rê gefê kiştişî wend. Di tepişteyan naye ser o dest pê grevê vêşanîye kerd.
Zîndanê Sîlîvrî de serebûtê şîdet, binpaykerdişê heqanê merdiman û teda dewam kenê.
Zîndanê Sîlîvrî de Îbrahîm Dînçer 13ê nîsane de keyeyê xo de qisey kerd û înan rê qala teda û şîdetî kerde.
Dadîya Dînçerî Şehnaze Dînçer îfade kerd ke lajê vi vato ke gardîyanan ey rê gefê kiştişî wendo. Dînçêrî dadîya xo rê vato: ''Zîndan de ma rê zulm yeno kerdene. Nano qîm nêdîyeno ma, teda û şîdetî ma rê kenê. Vera nê kerdişan tepişteyan Murat Akin û Metîn Orman 16ê nîsane de dest pê grevê vêşanîye yê 10 rojî kerd.''
