Hêrişê îşxalî yê dewleta tirke yê vera Rojawanî qezaya Pisûsî ya Riha de ya ke sînorê Kobanê de ya ame protestokerdene.Çalakîya ke serkêşîya DBP, DEM Partî û TJA de ameye kerdene, Hemvervatoxa HDKyî Merale Daniş Beştaş, Hemserekê  Pêroyî yê DBPyî Çigdeme Kiliçgun Uçar û Keskin Bayindir û Hemsereka Pêroyî ya DEM Partî Tulaye Hatiogullari zî tede xeylê kesî tewrê ci bîyî.

Şarî rayîrê Pirsûs-Kobanê de cayêkê nizdîya sînorî de eşekrayîye daye. Hemserekê Pêroyî yê DBPyî Keskin Bayindirî vat: ''Ma do desturê îşxalî medê. Ma do her ca de xoverdayîşî gird bikerê.'' Hemsereka Pêroyî ya DEM Partî Tulaye Hatiogullari û Hemvervatoxa HDKyî Merale Daniş Beştaş zî vera hêrişan hêrsê xo ard ziwan û mesajê xoverdayîşî dayî.

Dima ra rêzila merdiman ameye pêardene  û bi slogana “Bijî berxwedana Rojava”  rayraşîyayîş ame kerdene.

Polîsan xeylê reyî waşt verê rayraşîyayîşî bigîrê. Cinîyan bi vatişê ''ma rê nê çeteyan rê barîkatan ronê'' nêrazîbîyayîş mojna ra. Rixmê barîkatanê polîsan rayraşîyayîş ame kerdene. Çalakîye de slogana Her ca Rojawan her ca xoverdayîş ameye vatene.

Badê rayraşîyayîşî Wekîlê DEM Partî Ali Bozanî qisey kerd. Bozanî vat heta ke hêrişî dewam bikerî û do xoverdayîşê înan zî dewam bikero.