Sîyasetmedaro kurd Îbrahîm Ayhano ke 20ê êlula 2018î de Hewlêr de netîceya krîzê qelbî ra dinyaya xo bedilnabî, serrgêra 4. ya wefatê xo de qezaya Sêwrege ya Riha de serê gorê xo de ame yadkerdene.

Keyeyê Ayhanî, Hemsereka DBPyî Salîha Aydenîz, Hemserekê KCDyî Berdan Ozturk, wekîlê HDPyî Omer Ocalan, Ayşe Driver, Mahmut Togrul, Musa Farisogullari, wekîla verêne ya HDPyî Çaglare Demîrel, îdarekarê HDPyî, Platformê Kede û Demokrasî û xeylêk kesî tewrê yadkerdişî bîyî.

Wekîlê HDPyî yê Dîlokî Mahmut Togrulî merasîmê yadkerdişî de qisey kerd û vat: ''Çar serrî derbaz bîyî la birîna ma teze ya. Seba ma erko tewr girîng pawitişê têkoşînê ey o.''

Salîha Aydenîz zî pare ker dke Ayhanî her warê cuye de têkoşîn kerd û vat: ''Tewirê ey ê seba Kobanê bi mîsal. Ma deyndarê ey ê. Ewro ma soz danê ke heta ke hesreta ci ya azadîye bîyarê ca do têkoşîn bikerê.''

Merasîm bi sloganê 'Şehîdî nêmirenî' qedîya û girse şi zîyaretê keyeyê Ayhanî.