Sîyasetmedar û nuştoxanê Danîmarka selahîyetdaranê PDK û KCKyî rê mektubêk nuşt û pare kerd ke şerêko muxtemel do xizmetê kurdan nêkero û zerar bido çareserîyanê seba meseleya kurdan.

Vengdayîş wina yo:

''Ma alozîya ke Başûrê Kurdîstanî de dewam kena tira qerqilîyenê. Bi nê mektubî ma venga rayberanê kurdan danê ke bi rayîrê dîyalogan meseleyan çareser bikerê, berpirsîyarîyanê xo bîyarê ca û seba menfaatanê kurdan hemkarîye bikerê.''

Mektub de dîya zanayene ke Erdogan seba ke verê yewî û xoserîya kurdan bigêro na reşwe sey firsendêk vîneno.

Peynîya mektubî de wina ame vatene: ''Ma sey dostanê şima yê danîmarkayîjan vanê ke Kurdîstano ke kurdî tede hemkarîya yewbînan kenê, do xizmetê ameyoxê kurdan bikero.''

Nê kesan morê xo da binê mektubî:

Eva Flyvholm, Parlamentera Îtîfaqê Sûr-Keskan a Parlamentoya Danîmarka

Villy Søvndal, Wezîro Verên ê Karanê Teberî

Uffe Elbæk, Endamê Parlementoya Danîmarka, Parlamenterê Partîya Keske ya Xosere

Rasmus Nordqvist, Parlamenterê Partîya Şarî ya Sosyalîste ya Parlamentoya Danîmarka

Jonas Eika, Nuştox

Line Barfoed, Wekîla Verêne ya  Îtîfaqê Sûr-Keskan a Parlamentoya Danîmarka

Villo Sigurdsson, Şaredaro Verên ê Kopenhagî yê  Partîya Şarî ya Sosyalîste

Pernille Frahm, Parlamentera Verêne ya Partîya Şarî ya Sosyalîste

Jesper Brandt, MSc, Profesor

Christian Juhl, Parlamenterê Îtîfaqê Sûr-Keskan