Sîyasetmedaranê kurdan û temsîlkaranê dezgehan ANFyî rê qisey kerd û seba tewrbîyayîşê rayraşîyayîşê Dusseldorfî yê 12ê teşrîna peyêne veng da.

Sîyasetmedar û temsîlkaran wina vat: 

Hemserekê Kongra-Gelî Remzî Kartal: Vera hêrişanê kîmyewîyan ê dewleta tirke dezgehanê şarê kurdî 12ê teşrîna peyêne sey roja grevê mîyanneteweyî îlan kerde. 12ê teşrîna peyêne de ganî cuye û karî vinderê, ma kom bibê û mîtîngekêkê heybetînî bikerê. Ma venga şarê xo danê ke wa vengê xo bikerê yew, bêvengîye bişiknê û Dusseldorf de kom bibê.

Hemserekê KON-MEDî Engîn Sever: Ma venga kurdîstanijanê Ewropa danê ke Dusseldorf de kom bibê. Seba ke ma binê nefesê şerwananê azadî, seba ke azadîya şarê kurdî bîyarê ca tewrê rayraşîyayîşî bibê. Roje roja rûmetî û roja wayîrvejîyayîşê têkoşînê azadî ya.  

Sekreterê Pêroyî yê Partîya Îslamî yê Kurdîstanî Hîkmet Serbilind: Dewleta tirke pê pêro îmkananê xo hêrişê şarê kurdî kena û vera gerîlayan çeka kîmyewîye şuxilnena. Ganî ma pêro dinya rê teşhîr bikerê. Ez venga şarê kurdî dana ke bi ruhê neteweyî vera şuxilnayîşê çekanê kîmyewîyan bibê yew û vengê xo biresnê dinya.

Serekê Komelê Îslamî yê Kurdîstanî Hafiz Ahmet Turhalli: Hêrişê kîmyewî yê vera domananê ma barbarî yê. Ganî kesê ke xo rê vanê ez misilman, însan û welatperwer a vera na barbarî têbigêrê. Ganî erk û mesuldarîyê xo bikerê. Bêrê matewrê  rayraşîyayîşî bibê û erkê xo bikerê.

Endama Konseya AvEG-KONî Hulya Orak: Vera sûcanê dewleta tirke ya faşîste seba pawitişê gerîlayan ma venga şarê xo, welatperweran û merdimanê averwazan danê ke 12ê teşrîna peyêne de tewrê çalakîya Dusseldorfî bibê. 

Temsîlkarê PYDyî yê Ewropa Xebat Şakir: Dewleta tirke vera kurdan tim çeka kîmyewîye şuxilnena. Ma Serêkanîyê, Efrîn xo vîr a nêker. Tewr peyên koyan de çekê kîmyewîyî şuxilnayî. Bêrê ma pîya Dusseldorf de dewleta tirke rê vajê bes o. 

Hunermend Nebez Abdullah: Rayraşîyayîşê Dusseldorfî zaf girîng o. Ganî ma vera hêrişanê dewleta tirke tewirê xo bimojnê.  Vera qirkerdişan ma bêveng nêmanê.

Temsîlkarê Demkî yê ADKHyî Yusuf Demîr: Dewleta tirke ya faşîste xîret kena ke têkoşînê kurdan bi çekanê kîmyewîyan çin bikera. Erk û mesuldarîya ma ya ke ma vera ney vengê xo berz bikerê û vera nê şerî têbigêrê. Tewrê rayraşîyayîşê Dusseldorfî bibê û vera zulmî têbigêrê.