Kantonê Solothurnî yê Swîsre  û Şaristanê Darmstadtî yê Almanya de semedê yadkerdişê şehîdan aktîvîteyî ameyî kerdene.

Solothurn de şexsê Gulnaze Karataş (Bêrîtane) de şehîdê menga teşrîna verêne ameyî yadkerdene. Merasîm de posterê Rayberê Şarê Kurdî Abdullah Ocalanî û alaya PKKyî ameyî akerdene. Qiseykerdişan de ame vatene ke kurdî vera şuxilîyayîşê çekanê kîmyewîyan bi ruhê 'Bêrîtane' do wayîrê têkoşînê gerîlayan vejîyê. Qiseykerdişan ra dima sînevîzyonêk ame mojnayene. Merasîm pê sloganan qedîya.

Darmstadt de zî Ozgure Bagok (Fatma Balica), Serhildan Mordem (Serdar Dînç) û Argeş Botan (Hasan Emcur) ê ke 3ê êlule de warê Girê Sorî yê herêma Avaşînî de pê çeka kîmyewîyî şehîd bîyî ameyî yadkerdene. Merasîm de xalê Ozgur Badokî Abdurrahman Varçinî û bi nameyê KOMAWî Murşîde Oltan qisey kerd. Qiseykerdişan de ame vatene ke sere de keyeyê gerîlayan û şehîdan ganî her kes/e wayîrê gerîlayanê azadîye, xoverdayoxanê zîndanan û şorişgêrê Girawa Îmraliyî vejîyê. Merasîm pê slogananê 'Şehîdî nêmirenirenî', 'Biciwîyo xoverdayîşê gerîlayan', 'Biciwîyo Serek Apo' qedîya.