Stockholm de şehîdê Çewlîg û Dêrsimî ameyî yad kerdene

Gerîlayê ke Çewlîg û Dêrsim de şehîd kewtî, paytextê Swedî Stokholm de ameyî yad kerdene.

Stokholm de seba şehîdanê Çewlîg û Dêrsimî virarişêk ame organîze kerdene û seba waştene şehîdanê caardişî mesajê têkoşînî ameyî  dayene.

Fermandaranê YJA-Starî ra Dîclê Zafere( Raîfe Elmase) Ferhad Rodî (Saygi Aydin), Reşît Çewlîk (Veysel Alparslan), Yona Dersim (Erol Uluca) û Zîn Xweza (Suna Acu ) qezaya Azarpêrtî yê Çewlîgî de 17ê tebaxe de şehîd kewtbî. Reyna Arjîn Malazgîrte (Asli Akine), Azîme Çinare (Fatîme Saltane), Dîcle Glidağe (Kesire Bilici), Safkan Ardahan (Muhammed Aşçı) zî 17ê êlule de herêma Rojdere ya Dêrsim de şehîd bibî. Stokholm de bi vîrardişêk nê şehîdî ameyî yad kerdene.

Virardiş bi rezgirewtişî dest pê kerd û bado zî derheqê şehîdan û têkoşînê azadîye de sînevîzyon ame ramojnayene. Dima ra qiseykerdişan de seba şarê kurdî muhîmînê şehîdanî ser wina ame vatene:‘‘Şehîdê Kurdîstanî seba azadîya şar û welatê xo ganê xo dayo. Şehîdan rê giredayîş bi şin nê, xetê înan de berzkerdişê têkoşîna beno. Ma şehîdanê xo rê zaf çî deyndarê bi rêçê înan de xoverdayîşî ma eşkenê deynê xo bide.‘‘

Qiseykerdişan de komploya 9ê teşrîna verêne zî ardîyayî vîre û ame vatene ke ganî vernî de şarê kurdî pêroyê hetê demokrate û dostê kurdan vera komplo û tecrîdî vengê xo berz bikerî û seba azadîya Rayber Apoyî têkoşîn bikerî.

Merdimanê şehîdanî zî qiseykerdişê xo de dîyar kerd ke ê dejê xo açarnenî xoverdayîşî û seba waştenê şehîdanê ca biyarî têkoşînî do berz bikerî.

Hunermende Evîn Akbaşe zî bi deyîranê xo yê şorişgêrî şehîdan rê gredeyanê xo arde ziwan.

Vîrardiş bi slogananê ‘Bicuyo Raber Apo‘, ‘Cinî cuya azadîye‘ û ‘ Şehîdî nêmirenî‘ qedîya.