Şaristanê Strasbourgî yê Fransa de rayberîya Înîsîyatîfê Cinîyan ê Zîne û Merkezê Komelê Demokratîkî yê Kurdan de serrgêra 43. ya ronayîşê PKKyî bi şayîyêke ameye fîrazkerdene. 

Şayîye de verî mesajê PAJKî ame wendene. Mesaj de ame vatene ke PKK têgêrayîşêkê merdimîye yo û ê do serrgêra 44.  pê serkewtişî tacîdar bikerê. Dima Endamê Konseya Rayberdişî ya KCKyî Zubeyr Aydarî qisey kerd.

Aydarî bale ante ser ke rayberîya Abdullah Ocalanî de gerîlayî her parçeyê Kurdîstanî de xo ver danê û vat: ''Heta ke tecrîd bêro wedaritene, Rayber Apo azad bibo şarê kurdî do her ca de têkoşîn bikerê.''

Hemserekê KNKyî Ahmet Karamusî zî qiseykerdişê xo de ard ziwan ke şarê kurdî pê xoverdayîşê PKKyî newe ra gandar bi û têkoşînê kurdan qetî do ser bikewo.

Şayîye de tewr peynî hunermendî Zarîfe Zerrîn, Sîdar Amedî, Serhed Med û Hozan Fîgen vejîyayî sehne ser. Şayîye pê govendan qedîyaye.