Serkêşîya Înîsîyatîfê 'Abdullah Ocalanî rê Azadîye' de bajarê Strasbourgî yê Fransa de çarçewa hemleya “Dem Dema Azadiyê ye, Azadiya Rêber Apo Azadiya me ye”  de çalakîye yena kerdene.

Serrgêra Komployê Mîyanneteweyî yê 9ê Teşrîna Verêne nêzdî beno. Serkêşîya Înîsîyatîfê 'Abdullah Ocalanî rê Azadîye' de bajarê Strasbourgî yê Fransa de çarçewa hemleya “Dem Dema Azadiyê ye, Azadiya Rêber Apo Azadiya me ye”  de çalakîye yena kerdene.

Hemserekê KONGRA GELî Remzî Kartal û Ronayoxê Kampanyaya 'Ocalanî rê Azadîye' Simon Dubbinsî tede xeylêk sîyasetmedar û kurdî û dostê înan tewrê çalakîye bîyî. Semedê çalakîya ke 14 awanîyê cîya cîyayî tewrê ci bîyî de verê Konseya Ewropa pê posteranê Abdullah Ocalanî ame xemilnayene.

Çalakîye de bi waştişê cade bêro caardene hîrê madeyan ra dosyayêke do teqdîmê Komîteya Vergirewtişê Îşkenceyî ya Konseya Ewropa (CPT), Mehkemeya Heqanê Merdiman a Ewropa (MHME) û Meclîsê Parlamenteran ê Konseya Ewropa (MPKE) bibo.

 Dosya de nê madeyê ca genê:

''Ganî Abdullah Ocalan û tepişteyê bînî cade  CPT, keye û avûkantanê ci reyde pêvînayîş bikerê û tecrîd cade bêro wedaritene.

Ganî MHME, Konseya Ewropa û Neteweyê Yewbîyayeyî şirê Tirkîya ser ke a goreyê huqûqî têbigêro îşkenceyê serê tepişteyan biqedîno.

Ganî Komîteya Wezîran a Konseya Ewropa semedê azadîya Ocalanî cade gamanê sîyasîyan bierzo.''