Seba ke bale bêra antene hêrişanê kîmyewîyan ê dewleta tirke ser Stuttgart û Marsilya de çalakîya xeyme ya hîrê rojan dîyaye destpêkerdene. Çalakîye de veng dîya ke wa her kes peynîya hewteyî de tewrê rayraşîyayîşî bo.
Seba ke bale bêra antene hêrişanê kîmyewîyan ê dewleta tirke ser Stuttgart de çalakîya xeyme ya hîrê rojan dîyaye destpêkerdene.
Çalakîya xeyme de stand ronîya, vilawekî ameyî vilakerdene û derheqê hêrişanê kîmyewîyan ê vera gerîlayan de agahîyî dîyayî. Çalakîye de seba ke PKK lîsteya terorî ra bêro vetene îmzayî zî arê dîyayî.
Çalakîya xeyme ra dima roja şemeyî Stuttgart HBFyî ra heta Lautenschlagerstraße çalakîya rayraşîyayîşî zî do bêra kerdene û çalakîye do saete 15.00 de dest pêbikera.
Çalakîkeran venga pêro kurdîstanijan da ke tewrê rayraşîyayîşê vera hêrişanê kîmyewîyan bibê.
Şaristanê Marsilya yê Fransa de zî çalakîya xeyme ya hîrê rojan dîyaye destpêkerdene. Xeyme de stand ronîya û tede fotografê gerîlayanê ke pê çekanê kîmyewîyan ameybî qetilkerdene daliqîyayî.
Çalakîya xeyme ra dima Marsilya de zî çalakîya rayraşîyayîşî roja şemeyî do bêra kerdene. Komîteya amadekarîye venga her kesî da ke wa tewrê rayraşîyayîşî bibo.
