Bajarê Gotthardî û bajarê St. Gallenî yê Swîsre de pê çalakîyanê cîya cîyayan hêrişê kîmyewîyî yê dewleta tirke yê vera gerîlayanê azadîye ameyî teşhîrkerdene.

Gotthard vizêr kayê cemedî  ke mabênê HC Ambrì-Piotta û EHC Klotenî de ame kaykerdene de seyrkerdoxan pankartê ''Kurdîstanê Bipawê, hêrişanê kîmyewîyan ê Tirkîya vindarnê'' akerd. Aktîvîte de seba ke PKK lîsteya terorî vejîyo standê îmzayan zî ame ronayene.

Terefdaranê HC Ambrì-Piotta û Bianco Blu serranê 2018 û 2019 de paştî dabi yew mektebê Kobanê û semedê mektebêkê Qamoşloyî projeyêk destê înan de yo.

St. Gallen de zî aktîvîstanê Tevgera Ciwanên Şoreşger (TCŞ) standê enformasyonî akerd û hêrişê çekanê kîmyewîyan ê dewleta tirke yê vera gerîlayan teşhîr kerdî. Ciwananê kincê sipîyî kerdî piray û pê fotografanê 17 gerîlayanê ke pê çekanê kîmyewîyan ameyî qetilkerdene bale ante ser ke dewleta tirke sûcê şerî kena.