Swêd de vera hêrişanê kîmyewîyan ê dewleta tirke nêrazîbîyayîşî dewam kenê. Endamê Heyetê Rayrberdişî yê Partîya Çepe ya Swêdî Robert Armblad û Parlamentera Yewîya Ewropa ya verêne  Eva Britt Svenson bi vîdeoyêk bale ante hêrişanê kîyewîyan ser.

Robertî vat: ''Ma wazenê pê nê vîdeoyî bale şima biance ser. Derheqê şuxulnayîşê çekanê kîmyewîyan ê dewleta tirke de raporî yenê. Bi des serran o dewleta tirek herra kurdan îşxal kena û netîceya ci şaro sîvîl yeno qetilkerdene. Dewleta tirke pê çekan û kîmyewîyî xeylêk kurdî keyeyanê înan ra kerdî.  Ma qezaya Kronobergî de sey Partîya Çepe paştî danê kurdan. Ganî heme dinya bêvengîya xo ya vera Tirkîya bixeripno. Çunke ê çend bêveng manenê sûcî zafêr benê.''

Parlamentera Yewîya Ewropa ya verêne  Eva Britt Svenson zî vat: ''Şuxulnayîşê kîmyewîyî goreyê huqûq û qanûnanê mîyanneteweyîyî qedexe yo û sûcê şerî yo. Ganî heme dinya nê bivîno û vera ci vejîyo. Coka ti zî yew vîdeo bianc, medyaya sanale de pare bikerê û bêvengîye bişikinê. Ganî ma her kesî pêbishnê ke çekê kîmyewîyî yenê şuxulnayene.''