Swêdî de çalakîyê paştdayîşî yê semedê şarê Rojawanî û Îranî vila benê. Badê Stockholm, Borlange, Gavle û Goteborgî Orebro de zî Kurdistanijî û dostê înan vejîyayî kuçeyan û Dewleta Tirke û Rejîmê Îranî şermezer kerdî.

Çalakîya ke bi vengdayîşê Merkezê Komelê Kurdan ê Demokratîkî merkezê bajarî de ameye viraştene xeylî kesî tewrê ci bîyî. Qiseykerdişan de bale ameye antene hêrişanê vera Kurdan ser û bêvengîya welatanê Ewropa ameye şermezarkerdene. Reyna xoverdayîşê şarê Rojawanî yê vera çeteyanê DAÎŞî zî ame vîrardene û ame vatene ke serdestî se kenê wa bikerî Kurdî do bi xoverdayîşî vera hêrişkaran ser bikewê. Çalakîye bi sloganana  ‘‘Destanê xo yê bigonî Kurdîstanî ra biancê‘‘ qedîyaye.