Edîtorê Masaya Mîyanneteweyî ya Rojnameyê Morning Starî Steve Sweeneyî derheqê serebûtanê Başûrê Kurdîstanî de ANFyî rê qisey kerd.

Sweeneyî bale ante sewqîyatê leşkerî yê PDKyî ser û vat: ''Vera nê sewqîyat û şerê muxtemelî nêrazîbîyayîşêko pîl esto. Her kes vîneno ke Serekê PDKyî Mesûd Barzanîyî bi hawayêkê berzî şer wazeno, pêşmergeyanê xo erşaweno herêmanê PKKyî.''

Sweeneyî ard ziwan ke kurdî qey şerê zereyî nêwazenê û vat: ''Ez çend rojî verî tewra çalakîya mayanê haştîye bîya. Înan têna yew mesaj da: 'Ma şerê zereyî nêwazenê.' Ganî goş bêro dayene nê dadîyan. Ez pê bawer nîya ke partîyanê bînan ê Herêma Kurdîstanî no sewqîyat tesdîq kerdo. YNK û Goran paştî danê PKK û Murat Karayilanî. Ez Silêmanî de tewra di çalakîyan bîya. Barzanî 61 pawitoxanê xo yê çekdaran reyde ame nê çalakîyan. Terefêk wazeno seba haştîye pêvînayîşî bêrê kerdene, terefê Mesrûr Barzanîyî zî şer wazenê.''

Steve Sweeneyî bale ante hemkarîya PDK-Tirkîya ser û vat: ''PDK bi hemkarîya Tirkîya wazeno têgêrayîşê kurdan ê Rojawan û Başûrî bişikno û herême de korîdorêkê viraşteyî awan bikero. Merdimê nê herêman paştî nêdanê PDK û Barzanî. Çunke yeno vîrê nê merdiman ke PKKyî Mexmûr û Şingal DAÎŞî ra xelisnabi û Barzanîyî wayûbiratîye pare kerdbi.''