Sydneyî de kurdî temsîlkaranê zaf rêxistinanê komelkî û parlamenteran reyde meydanê Town Hallî de kom bîyî.

Parlamenterê Partîya Keskan Davîd Shoebrîdgeyî meydanê çalakîye de qisey kerd û seba îşxalanê Tirkan nêrazîbîyayîşê xo mojna. Shoebrîdgeyî îfade kerd ke sucê şerî yê ke Dewleta Tirkan kerdî wa bêceza nêmanê û venga hukmatê federalî da ke bi nê armancî tebvigêro. Shoebrîdgeyî vat: "Çîyo ke nika Dewleta Tirkan Rojawanî de wazena bika vera kurdan pakîya etnîk a."

Komîteya amadekare ya çalakîye Brûsk Aîverî zî seba qedînayîşê hêrişan venga Neteweyanê Yewbîyayeyî û komelê mîyanneteweyî da ke tebvigêro. Peter Boyleyî nameyê Îtîfaqê Sosyalîstî ser o qisey kerd û venga her keso ke demokrasî û heqanê merdiman ra bawer keno da ke şorişê Rojawanî bido ciwîyayene û vat: "Ganî her kes berpirsîyarîya xo bîyaro ca û bibo vengê şorişê Rojawanî." Rayîrşîyayîşî de vera îşxalan û sucanê şerî sloganî ameyî vatene.