Têgêrayîşê Azadîya Cinîyan ê Êzidîyan (TAJÊ) derheqê cehdkerdişê dekewtişê Şingalî yê PDKyî de eşkerayîyêke daye.

Eşkerayîye wina ya: ''3ê tebaxa 2014î de bi îxanetê hêzanê PDKyî DAÎŞî hêrişê Şingalî kerd. Fermanêk vera komelê êzidîyan ame kerdene. Nê fermanî de bi hezaran cinîyê êzidîyî ameyî qetilkerdene û kewtî destê DAÎŞî û qirkerdişê cinîyan ê êzidîyan ame kerdene. Nê pêroyî netîceya îxanetê PDKyî bîyî.

PDKyî 3ê adara 2017î de pê hêzanê xo yê pêşmergeyan û pêşmergeyanê Roje hêrişê Xanesorê kerd. PDKyî dişmenîya vera kurdan û êzidîyan kerd. PDKyî Tirkîya reyde peymana 9ê teşrîna verêne îmza kerde ke îradeyê êzidîyan nêşinasnena. Nika zî PDKyî binê nameyê weçînayîşî de ke kesê bi nameyê Aşîtî Koçero ke fermandarîya hêzanê PDKyî ya Şingalî kerdêne waşt bêro Şingal. Şarê Şingalî bi taybetî dadîyî vera ney de vindertî û înan ameyîşê pêşmergeyan qebul nêkerd.

PDK bi hêrsî reyna wazeno pê hêzêkê pîlî Şingal îşxal bikero. Ma venga pêro cinîyan ê kurdan, êzidîyan, partî û rêxistinanê demokratan danê ke vera hêrişanê PDKyî vinderê. Bimiro îxanet. Biciwîyo xoverdayîşê Şingalî.''