Wekîla HDPyî ya Agirî Dîlane Dîraey Taşdemîr vera operasyonanê vera HDPyî nêrazîbîyayîşê xo mojna û pare kerd ke nê hêrişî tesadufî nîyê. Taşdemîre ard ziwan ke îqtîdar seba ke HDP kurdan çin bikero her çi keno û HDP mefteyê demokrasî yo.

Taşdemîre vat: ''HDP vera îqtîdarî de sey dêsêk o.Îqtîdaro ke mabênê mendiş û çinbîyayîşî de fatisîyeno, zaneno ke heta HDP û waştişê azadîye yê kurdan nêro çinkerdene nêeşkeno estbîyayîşê xo dewam bikero. Ewro kesê ke azadîye wazenê benê hedef. La HDP sereyê xo nêano war, heqanê xo de israr keno, meclîs, kuçe û zîndanan de meşrûtîya xo paweno.

îqtîdar xîret keno ke bi rayîrê krîzan welat îdare biker la game bi game qels beno. Wan de dewijî helîkopterî ra erzîyayî war û înan ra yew dinyaya xo bedilnaye. Eke nê welatî de tay zî huqûq bibîyêne na rewşe do bibîyêne sebebê weriştişî. Îqtîdar hînî ne sîyasetê zereyî de ne zî sîyasetê mîyanneteweyîyî de meşrû nîyo.''