Wekîla HDPyî ya Agirî Dîlane Dîrayet Taşdemîr derheqê sîstemê îşkenceyî yê Îmraliyî û tewirê dezgehanê huqûqî yê mîyanneteweyîyî de ANFyî rê qisey kerd.

Taşdemîre ard ziwan ke sîstemê tecrîdî yê Îmraliyî bi hemkarîya dezgehanê sey CPT, Neteweyanê Yewbîyayeyan (NY), Yewîya Ewropa (YE), Mehkemeya Heqanê Merdiman a Ewropa (MHME) yeno rayraberdene û vat: “ Îmrali goreyê huqûqê Tirkîya û mîyanneteweyîyî nîyo. Eslê xo de bi temamî sîstemêko keyfî û teberê huqûqî yo. Bêvengîya heme dezgehan paştgêrîye ya. Huqûq eşkera yeno binpaykerdene.

Wezîrîya Edaletî vera heme tepişteyan îşkence kena. Mewzuwatê huqûqê mîyanneteweyîyî yo ke ganî bîyaro caardene, nêano caardene. Prosesêkê  bêhuqûqîye dewam keno. No sîstem hetê hukmat û hêzanê mîyanneteweyîyî ra ame raameyene. CPT eşkerayîye nêkeno, rapor nêdano. Çîyêko mîyan es to.  Eşkerayo ke kewto  binê tesîrê dewletanê serdestan. Manayêkê heqanê merdiman û huqûqê mîyanneteweyîyî nêbmend. Nê ercî kerdî qûrbanê waştişê dewletan. Bi sîstemê Îmraliyî ma nê zaf zelal vînenê.  Ma sey partîye na babete de muracatan kenê. nêrazîbîyayîşê ma yê vera tecîrîdê sîstematîkî do dewam bikerê.”