Narîne Gurana ke 21ê tebaxe de taxa Çûlî ya qezaya Rezanî ya Amedî de vînî bîye, goreyê eşkerayîyanê fermîyan badê 19 rojan 8ê êlule de cenazaya ci ameye vînayene. Çarçewaya tehqîqetî de 24 kesî ameyî destbendkerdene.

Nevzat Bahtîyarî îtîraf kerd ke ê bi waştişê Salîm Guranî cenazaya Narîne  dere de naye ro û ame tepiştene. Malayê dewe badê îfadeyê xo yê cendirmeyan ame veradayene. Îfadeyê 22 kesanê bînan dozgerîye de 12 saete dewam kerd.

Babîye Narîne Arif Guran, dezayê ci Ogulcan, Osman, Devran Guran û veyva ci Melek Guran, apê ci Bariş, Mehmduh û Halîl Îbrahîm Guran, ema ci Azîze Kaya û karkerê Salîm Guranî Omer Yildiz serbest ameyî veradayene.

Dadîya Narîne, Yuksele Guran û birayê ci Enes Guran bi sebebê ''kiştişê bi qestî'';

Dezayê Narîne Muhammet Kaya  û Bîrsen Guran, veyva ci Maşallahe Guran, karkerê Salîm Guranî, Mehmet Salîm Atasoy, Ramazan Atasoy û mêrdeyê xale Mehmet Şevkî Kaya bi sebebê ''hetkarîya sûcî kerda, delîlî çin kerdê''

Apê ci Fuat Guran bi sebebê ''delîlê sûcî çin kerdê'' bi waştişê tepiştişî Dadgerîya Cezaya Sulhî rê ameyî sewqkerdene.

Mehkeme de dadîya Narîne, Yuksele Guran û birayê ci Enes Guran, dezayî Muhammet Kaya  û Bîrsen Guran, ap Fuat Guran, veyva ci Maşallah Guran, karkerê Salîm Guranî, Mehmet Salîm Atasoy û mêrdeyê xale Mehmet Şevkî Kaya ameyî tepiştene.

Omer Faruk Guran û Melike Guran û bi şertê kontrolê edlîyî û Ramazan Atasoy bê şertê kontrolê edlîyî serbest ameyî veradayene.