Temsîlkarê Encumenîya Niştiman a Kurdanê Sûrîye (ENKS) o ke mîyanê cergan de bi nameyê ''muxalefetê Sûrîye'' têgêrenê û heman wextî de nêzdîyê PDKyî yê Anqara de Wezîrê Karanê Teberî Mevlut Çavuşoglu reyde kom bîyî.

Derheqê pêvînayîşî de Çavuşogluyî hesabê xo yê twitterî ser o Rojawan reyna hedef kerd û vat: ''Temsîlkarê meşrû yê kurdanê Sûrîye bi heyetê Konseya Neteweyê Kurdî kom bîyî. Ma paştdayîşê xo yê seba rolanê înan ê prosesê sîyasî û Koalîsyonê Neteweyî yê Sûrîye eşkera kerd. Ma bale ante rêxistina terore PKK/YPGyî ser ke tewr zaf zerar danê kurdan.''

Îdareyê Xoserî yê Rojawanî bingeyê yewîya neteweyî ya kurdan de destûr dabi ke partîyê pabesteyê ENKSî buroyê xo abikerê û bibê partîye. Binê nameyê ENKSî de tewr peyêne şaristanê Hesekê û Kobanê de ENKSî buroyê xo akerdbî.

Fermandarê Pêroyî yê Hêzanê Sûrîyeya Demokratîke (QSD) Mazlûm Ebdîyî dabi zanayene ke seba caardişê xebatanê yewîya neteweyîye înîsîyatîf girewt.

Rojawan de şar vera zîyaretê ENKSî yê seba rejîmê Anqara nêrazîbîyayîşê xo mojna ke rejîmê Anqara Efrîn, Serêkanîyê û Girê Sipî de bi hezaran kurdî qetil kerdî.