Mehmet Sevînço ke Zîndanê Akhisarî yê Manisa de ame qetilkerdene cenaza ci rixmê heme astengkerdişê polîsan  Goristanê Balçikî yê Gebze de ame definkerdene. Endam û îdarekarê rêxistinanê HDPyî yê Darica, Gebze, Tuzla, Çayirova, Kartal û Pendîkî, MA TUHAY-DER, MED TUHAD-FEDî û xeylêk kesî tewrê merasîmê cenaza bîyî.

Cenazaya Sevînçî vizêr teslîmê keyeyê ci bîye û pê tayera ameye ardene Îstanbul. Wesayîtê cenaza nêdîyeyî keyeyî. Coka înan pê îmkananê xo cenazaya xo bîn şewe berde camîya taxa Pîrî Reîsî ya qezaya Darica ya Kocaeli. Malayê camî vat qedexe yo û canaza nêşit û wecîbeyê dînî nêardî ca. Naye ser o keyeyî bi îmkananê xo yewna mala dî, ey cenaza şite û wecîbeyê dînî ardî ca û dima ra semedê definkerdişî cenaza ameye berdene Goristanê Nene Hatun ya Darica. Polîsan dekewtişê qeza de rayîr girewt û keye tehdît kerd ke wa sloganî merê eştene. Polîsan destûr nêda cenaza goristanê Darica de bêro definkerdene û şawite goristanê Balçikî.

Polîsan verê ameyîşe canaza goristan girewt binê ablûqa û destûr nêda rojnamegerî dîmenan biancê. Rixmê heme astenkerdişê polîsa cenazaya Sevînçî bi slogananê   ''Şehîdî nêmirenî, ''Biciwîyo xoverdayîşê zîndanan'' ameye definkerdene.