Zîndanê Sîncanî yê Anqara de tepişte Murat Bîlgerî 12ê êlule de seba ke telefon de keyeyê xo de bi kurdkî qisey kerd hetê gardîyanan ra ame tehdîtkerdene.

 Bîlgerî 13ê êlule de reyna keyeyê xo rê telefon akerd û keyeyê xo rê vat ke: ''Gardîyanan mi rê vat 'Ti nêeşkenî tîya de bi kurdkî qisey bikere, têna bi tirkî qisey bikere. Nêbo ma to tehet nêverdenê, cezaya dîsîplînî danê to.' La se beno wa bibo ez bi ziwanê xo yê dayîke qisey bikera.''

Lajê Bîlgerî Haydar Bîlgerî zî da zanayene ke babîyê ey wexto ke pîrika ey de qisey kerdêne telefon birîyayo û vat: ''Gardîyanî nîjadperestîye kenê, zorbazîye kenê. Pîrika mi tewr tirkî nêzanena. A do senî lajê xo de qisey bikera?''