Erdlerzê 6ê Sibate ra dima tepişteyo nêweş Şervan Sertkaya Zîndanê Mereşî ra surgunê Zîndanê Kirşehîrî amebi kerdene. Sertkayayî pê telefonî keyeyê xo de qisey kerd û pare kerd ke rixmo ke fekê ci ra gonîye yena îdareyê zîndanî o sewqê nêweşxaneyî nêno kerdene.

Babîyê Sertkayayî Bahattîn Sertkayayî pare kerd ke lajê ci erdlerzî ra verê cû amelîyatê apandîstî bîyo coka meseleyê ci yê weşîye est ê. Babî Sertkayayî vat: ''Lajê mi vizêr dadîya xo rê telefon kerdo û vato 'Çend rojî yo fekê mi ra gonîye yena la îdare mi nêşaweno nêweşxaneyî.' Ma wazenê ke lajê ma weş bibo, heqê ci wa bêro dayene.''