Zîndanê Îdirî de tepişte Sînan Kayayo 28 serre bi hawayêkê şikdarî ame qetilkerdene. Ame parekerdene ke Kaya bi îdîaya 'propagandaya rêxistine' ameyêne muhakemekerdene û cezaya zîndanî ya 3 serran werda.

Ame parekerdene ke Kaya hucreyê yewkesî de mendêne.

Dîya zanayene ke vizêr şewe îdareyê zîndanî keyeyî rê telefon kerdo û vato ke lajê înan xo kişto. Dima ke keye şi nêweşxane û cenaza girewte bajarekê Xoşxebere de cenaza defin kerde.

Keyeyî bajarek de şîn na ro û pare kerd ke ê bawer nêkenê ke Kayayî xo kişto. Keyeyî veng da ke wa serebût bêro zelalkerdene.