Denîze Tepelîya ke Zîndanê Kandira de ya  avûkate Jîyane Tosune rê qala qetilkerdişê Garîbe kerde. Tepelî mektûba ke şawite de ard ziwan ke a şahîdê qetilkerdişê Gezer a û vat yeno waştene ke serê serbûte bero girewtene.

Mektûbe de nê ameyî vatene: ''Ez şaşîdê qetilkerdişê Garîbe Gezer a. A hele ez cayê hewagirewtişî de bîya. Vengê ame mi û mi dî. La vizêr (16-12-2021) mektûba ke mi şima rê sey APSyî şawite seba ke mi qefilnaye şawite mi rê peyser ame û ame vatene ke ya ez akerde şawena ya zî qefilnaye têna eşkena bidê avûkatê/a xo  yê/ya ke wekalatê mi esto. No sûc o.  Heqê ma esto ke ma heme avûkatan rê qefilnaye mektûbe bişawe. Yeno waştene ke wa qetilkerdiş bêro nimitene. Şahîdîya mi zî krîtîk a. Têna mi dî. Wazenê ke verê naye bîgirê. Ez ewro (17-12-2021) mektûba xo reyna bi zarfê qefilnayeyî şawena. Seba ke mektûba mi ameye astengkerdene ez do gerreyê înan bikerê. Hetê bînî ra roja sêşemeyî (14-12-2021) Dozgerê Kandira O.H. Cengizî semedê dosyaya qetilkerdiş-xokiştişî veng da Resmîye la venga mi nêda. 15-12-2021 de zî yewna dozgerî semedê dosyaya tecawuz û îşkenceyî veng da. Mi vat ez verî avûkatê xo dir qisey kena, dima ra îfade dana. Miheqeq mi dir pêvînayîş bikerê. Wazenê qetilkerdişî binimnê. Ma do heta peynî teqîpkarê ci bi.''