Zîndanê Bunyanî de tepişteya nêweşe Muhlîse Karaguzela ke Hemsereka HDPyî ya Mûşî ya, serê sibayî krîzê qelbî vîyarna. Dîya zanayene ke Muhlîse Karaguzel wedarîyaye nêweşxane, anjîyo bîya û stent ameyo dekerdene qelbê ci.

Dadîya Muhlîse Zîlane Karaguzel Jinnewsî rê qisey kerd û da zanayene ke dadîya ci 20 rojî verî tengbîyayîşê qelbî ra wedarîyabî revîrî la rixmê hişyarkerdişê doktorî/e zî nêameya berdene bi nêweşxane.  

Zîlane Karaguzel vat: ''Îdareyê zîndanî 20 rojan dadîya mi koxûş de vindarnaya. Vizêr a xo ra şîya coka wedarîyaya nêweşxane. Cade anjîyo bîya û stent ameyo dekerdene qelbê ci.''

Zîlane pare kerd ke aye têna 20 deqayan dadîya xo dîye û îfade kerd ke dadîya ci pê kelemçeyan doşegî ra girê dîyaya. Zîlane ard ziwan ke rixmo ke rewşa ci hol nîya dadîya xo reyna do bêra berdene bi zîndanî.