Zîndanê Kandira yê Kocaelî de tedayê vera tepişteyan zêdîyayî. Dîya zanayene ke roje de 3 reyî koxûşan de cigêrayîş û hûmaritiş yenê kerdene, koxûşê tepişteyan vera vurîyenê û koxûşanê sîyasetmedaran de cergê DAÎŞî û sûcdarê edlîyî yenê cakerdene.

Tepişteyanê ke avûkatê xo dîyî, bale ante ser ke şewe saete 00.00 de cigêrayîşê koxûşî yeno kerdene û vat:

''Dadîyê tepişteyî û domanê înan bi hawayêkê xirabî binê tesîrê ney de manenê. Bi bahaneya janî pêvînayîşê akerdeyî yenê astengkerdene, waro hempar ê tepişteyan yeno kêmkerdene, aktîvîteyî yenê vindarnayene, cigêrayîşê keyfî yenê kerdene û şewe hûmaritişî yenê kerdene. Bi nê kerdişan şîdeto psîkolojîk yeno kerdene.''

verêne ya HDPyî Fîgene Yuksekdaga ke Zîndanê Kandira de yena tepiştene bi rayîrê avûkatanê xo wina qala tedayan kerde: ''Zîndan de teda û polîtîkayê şîdetî zêdîyenê. Eke zîndanan de meseleyê giranêrî biqewimîyê, hêrişê giranêrî bêrê kerdene yan zî zerar bireso ganê tepişteyan ser mesuldarê ci raşta raşt Wezirîya Edaletî û îqtîdaro sîyasî yo. Cade verê nê binpaykerdişanê heqan, tedayan û kerdişanê provakatîfan bêro girewtene.''