Tepişteyanê dewaya PKK û PAJKî 4ê Nîsane rojbîyayîşê Rayberê Şarê Kurdî Abdullah Ocalanî bi mesajêkî fîraz kerd.

Mesajê tepişteyan wina yo:

''Şarê kurdî bi seserran raştê qirkerdişî ame. Vera na trajedî ronayîşê PKKyî reyde seba kurdan tarîxêko newe dest pêkerd. Kurdî ameyêne asîmîlekerdene, nasnameyê xo ra seke remayêne, cografyaya Kurdîstanî terkê mergî bibî. PKKyo ke Rayberîye ronayo, bîyayîşê 4ê Nîsane ra dima vera tarîxê tarîyî bi cewabêk. Apoîzmî kurdî Rojhelatê Mîyanênî de newe ra vetî sehne ser. Ma ewro eşkenê bi rehetî vajê ke Apoîzm Kurdîstan û Rojhelatê Mîyanênî de hem sey tarîxî hem zî sey cografya qebul beno. 

Kurdî têkoşînî reyde vurîyenê, vurnenê, rêxistin benê û azad benê. Kurdî hînî a noqta de nîyê ke Planê Çokdayîşî yê 2015î de ameybî hedefkerdene. Serkewtişê Garê pêro plan û teknîkê dişmenî pûç kerdî. Çalakîyê vera Komployê Mîyanneteweyî, coşê 8ê Adare, şayîyê Newroza 50. ya partîye mojnenê ke çîyê ke Rayberîye temsîl kena qewimîyenê, vera komplogeran îklîmêkê raştîye qewimîyeno.

Rojbîyayîşo 73. yê Rayberîye bîyo hêvîya şarê ma, dadîyan, cinîyan, ciwanan, bindestan û têkoşêranê azadîye û demokrasî. Ma şorişê cinîyan ê Rojawanî ra vînenê ke paradîgmaya Rayberîye pêro dinya de veng vejena. No têkoşînê azadîye raştîya vatişê 'Ma şinê la bi hezaran agêrenê' eşkera keno.

Paradîgmaya Rayber Apoyî seba şaranê Rojhelatê Mîyanênî çareserîyanê bêhempayan pêşkêş kena. Na paradîgma do cografyaya ma de mabênê şaran de bi caardişê yewîya dezgehanê kulturel û ekonomîkan haştîye awan bijera. Netîceya bîyayîşê Rayberîye de kurdan dezgehê xo awan kerdî. Naye ra pey zî ma sey tepişteyanê PKK û PAJKî îfade kenê ke do bibê perwerê na raywanîye.

Ma  nêzdîbîyayîşê bi Rayberîye sey nêzdîbîyayîşê bi şarî ercnenê. Awanîyê faşîst û kolonyalîstî vera serkêşanê sexteyan vejenê werte. Ma ney qebul nêkenê û ma vera ney tewirêkê şorişgêrî bimojnê. 

Ma 4ê Nîsane ke destpêkerdişê newe ra bîyayîşî yo, verî Rayberîya xo rê, pêro şarê xo, cinîyan û ciwanan rê fîraz kenê. Heta ke sîstemê tecrîdî yê Îmraliyî bêro çinkerdene azadîya Rayberê ma do biba tek armanê ma. Ma venga pêro şarê xo, dostanê xo danê ke rojbîyayîşê Rayberîye Amara de bi ruhê serra 50. ya têkoşînî fîraz bikerê.''