Zîndanê Patnosî de gardîyanan seba ke payan ser hûmaritiş red kerd hêrişê 3 tepişteyan kerd. Tepişteyê ke hetê gardîyayan ra ameyî derbkerdene bedenanê înan de şikitiş û rêçê derban est ê.

Tepişteyan vera binpaykerdişê heqanê xo û nê hêrişî bi doranê 5 rojan dest pê grevê vêşanîye kerd.

Şubeyê Wanî yê Komeleya Huqûqnasan a Seba Azadîye (OHD) hesabê xo yê medyaya dîjîtale de mesajêkî reyde agahîya grevî daye û vat: ''Zîyaretê ma yê Zîndanê Patnosî de dîya zanayene ke 3 tepişteyan seba ke payan ser hûmaritiş red kerd raştê hêrişê gardîyanan ameyê. Bedenanê înan de şikite û rêçê derban est ê. Tepişteyan naye ser o grevê vêşanîye dayo destpêkerdene. Ma derheqê nê serebûtî de raporê xo yê hîrayî dima rayaumûmîye reyde vila bikerê. Ma babete teqîb kenê.''