Ame parekerdene ke 5 tepişteyî 4ê adare de Zîndanê Riha ra ameyê surgunkerdene û xebere nêdîyaya keyeyanê înan. Keyeyî wexto ke zîndanî rê telefon kerd pê surgunî hesîyayî.

Dîya zanayene ke tepişte Ridvan Er û Hasîp Avşar surgunê Zîndanê Aksarayî, Ramazan Turan û Selman Buyuktaş surgunê Zîndanê Çorumî, Suat Obuz zî surgunê Zîndanê Tokatî ameyî kerdene.

Hasîp Avşaro ke surgunê Zîndanê Aksarayî amebi kerdene avûkatê xo reyde pêvînayîş kerd û da zanayene ke verê berê zîndanî de o raştê îşkenceyê cigêrayîşê rûtî ameyo. Avşarî îfade kerd ke zîndan de o hucreyê yewkesî de tepişîyeno.

Avşar 1995 ra nata zîndan de yo û ci rê cezaya muebede dîyabî. Avşaro ke verî zî amebi surgunkerdene nêweşê qelb û tansîyonî yo, çoka ci ya raşte de şikîyayîş esto.