Tepişteyê ke Kirikkale ra surgunê Sîncanî bîyî pê rayîrê telefonî resayî keyeyanê xo û vat asayîşê ganê înan çîn o.

Zîndanê Tîpê Fyî yê Kirikkale ra 2ê teşrîna verêne de bi îdîaya ''asayîşî''80 tepişteyî  surgunê zîndananê cîya cîyayan bîyî. Înan ra 25 tepişteyê ke surgunê Zîndanê Sîncanî bîyî, 2ê teşrîna verêne ra nata hucreyê yew kesî/e de manenê. Nê tepişteyan ra Bager Sayek û Aziz Aktaşî pê rayîrê telefonî resayî keyeyanê xo qala binpaykerdişê heqanê ke yenê kerdene de kerde. Tepişteyan da zanayene ke çî-mî yê înano şexsî û esasî nêdîyeno înan. Reyna Kettle,pîrtuk û rojame zî nêdîyenê înan. Sayek û Aktaşî da zanayene ke her şewe koguşanê înan de sereştişî yenê kerdene û vat asayîşê ganê înan çîn o. Tepişteyan vat şewe ra heta serê sibayî  dewrîye gêrenê û pê wendişê marşan û înan rê nengan çînenê. Destûr nêdanê ê bikewê zî.