Tepişteyanê PKK û PAJKî da zanayene ke Hemleya Wextê Azadîye îqtîdaro faşîst ardo verê rijîyayîşî û venga pêro terefgîranê demokrasî û azadîye da ke vera faşîzm û îşxalkerî bi xurtî wayîrê Hemleya Wextê Azadîye bibê.
Tepişteyanê PKK û PAJKî bi wesîleya Komployê Mîyanneteweyî yê 9ê Teşrîna Verêne eşkerayîyêke daye.
Eşkerayîya ke nameyê tepişteyan ser o Denîz Kaya daye, wina ya:
''Ma Komployê 9ê Teşrîna Verêne yê vera Rayberîye reyna şermezar kenê. Seba ke ma komployî bin bikerê tim do mîyanê xîretan û kede de bibê. No komplo ewro şexsê dewleta tirke de hetê gladyoyê AKP-MHPyî ra hema zî waştene ke bêro caardene. Xêrê mudaxele û têkoşînê Rayberîye ra verê Komployê 9ê Teşrîna Verêne ame girewtene. Komplo seke Rayberîye vatbi ame pûçkerdene. La têkoşîno îdeolojîk û polîtîk ê vera Komployî dewam keno. Seke Rayberîye ercnayîşêkê xo yê bînî de vatbi ganî roja komployî biba roja dersgirewtişî.
Pê komplo pêro şarê Rojhelatê Mîyanênî yenê hedefkerdene. Hêzanê komplogeran serkêşîya Amerîka û NATOyî de seba ke dewleta tirke nêra rijnayene no komplo kerd. Ma şehîdanê 'Şima nêeşkenê tîja ma tarî bikerê' bi minet û rêzî yad kenê. Kurdan tarîxê xo de reya verêne hende xurtî vera yew hêrişî vera Komployî xo ver da. Nê 24 serran de zî sey vizêrî çalakîyanê 'Şima nêeşkenê tîja ma tarî bikerê' şikl da têkoşînî.
Ewro sere de zîndanan de her ca de hêrişê AKP-MHPyî zêdîyayî. AKP-MHP bi hêrsê binkewtişî bi harî hêriş keno. Ma eşkenê vajê ke Hemleya Wextê Azadîye îqtîdaro faşîst ardo verê rijîyayîşî. Ewro dewleta tirke Zap de raştê xoverdayîşê xurtî yê gerîlayan kena. Êyê ke seba ke kilîdkerdişê gerîlayan ameyî bi xo kilîdkerde bîyî.
Caardişê azadîya Rayberîye têna erkê kurdan, cinîyan, ciwnan û şaran nê ê pêro merdimîye yo. Ganî ma Rayber Apoyo ke seba azadîya ma têgêrayo, azad bikerê û bi nê hawayî deynê xo bidê. Ganî ma her ca de bi moralî tewrê 'Hemleya Wextê Azadîye' bibê, tecrîdî biqedînê û azadîya Rayber Apo û şarê kurdî bîyarê ca.
Tecrîdê vera Rayberîye her ke şino beno giranêr. CPTyî eşkera kerd ke nê rojan de şîyo Îmrali. La no zîyaretê CPTyî erey bîyo. Ma venga CPTyî danê ke cade erkê xo bikerê û vera nê sîstemê faşîstî tewir bigêrê.
Ma venga her kesî danê ke tewrê Hemleya 'Faşîzm, tecrîd û îşxalî rê bes o, wext wextê caardişê azadîye yo' bibo. Ma her kesî rê nê têkoşînî de serkewtişî wazenê. Ma şehîdanê nê têkoşînî bi rêzdarî yad kenê û ma pê bawer ê ke serkewtişanê pîlan do bivisnê destî. Ma venga pêro terefgîranê demokrasî û azadîye da ke vera faşîzm û îşxalkerî bi xurtî wayîrê Hemleya Wextê Azadîye bibê.''
