Tepişteyanê dewaya PKK û PAJKî serrgêra 43. ya ronayîşê PKKyî fîraz kerde û îfade kerd ke ê do serra 44. sey serra azadîya şarê kurdî û Rayberê Şarê Kurdî Abdullah Ocalanî vînenê û goreyê ney têgêrenê.
Tepişteyanê dewaya PKK û PAJKî serrgêra 43. ya ronayîşê PKKyî bi eşkerayîyêke fîraz kerde. Nameyê tepişteyan ser o Denîz Kaya wina vat:
''Serewedaritişê Şêx Ubeydullah Nehrî ra heta PKKyî tarîxê 200 serrî de rixmê hende xoverdayîşan serkewtiş nêqewimîya. PKK polîtîkayanê înkarê kurdan ê faşîzmê dewleta tirke rê bi cewab. Rayber Apoyî naye ser o vat 'Vatêne Kurdîstan tîya de definkerde yo, ma mesele hal kerde, defin kerd. Mi va NEY. Şima nêeşkenê kurdan binimnê. Şero ke ma kenê îsbatê ney o. Ma o gor parçe kerd.' Na raştîya PKKyî eşkera kena.
Seba kurdîstanijan û pêro cinîyan PKK-PAJK rayîrê azadîye yo. Rayber Apoyî vatêne 'Meseleya cinîya meseleya neteweyîye ra wetêr a. PKK partîya cinîyan a.' û bale ante girîngîya azadîya cinîyan û partîya ci PKK-PAJKî ser. Şorişê Cinîyan ê Rojawanî zî nîşanê no yo.
Ma sey tepişteyanê PKK û PAJKî vera şer-tecrîdê dewleta tirke heta peynî xo ver bidê. Ma serra 44. ta têkoşînî sey serra azadîye ya cinîyan, şaran û Rayberîya xo vînenê û goreyê ney xo ver danê, têkoşîn kenê.''
